Lompong Sagu Lah Mulai Hilang

Padang-today.com__Lompong sagu, lompong sagu bagulo lawang, ditangah-tangah karambia mudo, sadang katuju-sadang katuju diambiak urang, awak juo-awak juo malapeh awo…..

Itu lah kiro-kiro secuplik lirik lagu nan ado potongan kata-kata mengenai kue lompong sagu. Lirik yang bacarito mengenai cinto yang batapuak sabalah tangan iko manggambarkan kue lompong sagu yang ditangah-tangahnyo ado baisi karambia mudo.

Kue lompong sagu salah satu kue khas Minang yang jarang basuo keberadaanyo kini ko. Kue nan tabuek dari tapuang sagu yang diaduak samo pisang simbatu, santan, karambia mudo, dan gulo saka iko mampunyoi citarasa nan manis.

lompong sago ko dibuek jo caro dipanggang diateh baro sahinggo mampunyai aroma khas siso pemanggangan. Massih angek-angek, kue ini dibungkuih dalam daun pisang dan siap untuak dimakan.

Kue lompong sago berwarna kecoklatan iko sakileh mirip kue khas betawi ketikus, tetapi aroma kue iko taraso labiah manggoda katiko baru sajo malalui proses pemanggangan (babaka). Paduan raso manis dan saketek lamak (gurih) dengan tekstur nan kenyal manjadikan kue iko taraso lamak katiko manyantuah lidah kito.

Kue lompong sagu salah satu kue khass tradisional nan manjadi kekayaan kuliner nan dimilki Sumatera Barat. Keberadaannyo kini lah mulai hilang dan susah basuo, sahinggo lompong sagu dicari cari dek penikmat kuliner katiko bakunjuang ka Piaman Sumatera Barat. (Herry Suger)

 

Leave a Reply

Your email address will not be published. Required fields are marked *

*

Lewat ke baris perkakas